** Kalfadhiga todobaad ee Baarlamaanka
Soomaaliya ayaa maanta 25 10 2015 si rasmi ah uga furmaya magaalada
Muqdisho gaar ahaan xarunta golaha shacabaka.
Furitaanka waxaa
ka qeybagalaya madaxweynaha Jamhuuriyadda Soomaaliya Mudane Xasan Sheekh
Maxamuud, guddoomiyaha Baarlamaanka Soomaaliya,Ra’iisulwasaaraha xukuumadda
Soomaaliya, guddoomiyaha Maxkamadda sare ee dalka iyo inta badan xubnaha
Baarlamaanka.
Madaxweynaha
Jamhuuriyadda Soomaaliya Mudane Xasan Sheekh Maxamuud ayaa lagu wadaa in uu
furitaanka kalfadhiga todobaad ee golaha shacabka ka jeediyo khudad dastuuri ah
oo uu kaga hadli doono wax qabadka dowladda Soomaaliya iyo arimaha u qorsheysan
in ay wax ka qabato.
Qodobka 90 aad
ee dastuurka qaranka ayaa madaxweynaha dalka waxaa uu fareyaa in uu furo
kalfadhiyada golaha shacabka, iyadoo kalfadhigan todobaad uu Baarlamaanka
Soomaaliya uga dhigan yahay kalfadhigii ugu dambeeyay golaha, waxaana horey
soo mareen ilaa lix kalfadhi.
Sikastaba waxaa
Baarlamaanka Soomaaliya looga fadhiyaa in uu sharciyo badan uu soo saaro
maadaama waqtiga jiritaanka Baarlamaanka uu gabagabo ku dhow yahay.
0 comments:
Post a Comment